|
| Vido de la 4a korto tra la pordego montras maldekstre tri gardo-turetojn, nomatajn "piprujoj". De tie ĉi estas belega vido malsupren al la urba placo. |
Enirinte la trian korton oni rimarkas apud la tri "piprujoj" kvaran turon, kiu vere tamen estas la supro de la sonoril-turo de S-ta Jakobo, kies bazo troviĝas funde de la valo en la malnova urbo:
Pro la krutaj montoflankoj plejloke ne necesis kreneloj sur la muroj de la kastelo. Escepto estas tiu pordo, kie vojo kondukas al la lago Wöhrsee. Pro sia formo tiuj kreneloj nomiĝas "la ĵurantaj fingroj" (Schwurfinger):
De la aŭstra flanko de la rivero oni bone vidas la orientan kastelflankon laŭ ĝia tuta longeco. Distingeblas ne nur la "piprujoj" kaj malantaŭ ili la arsenalo (Zeughaus), sed ankaŭ la "ĵurantaj fingroj" (dekstre), kvankam ili troviĝas aliflanke de la kastelo.
Re al la kastelo de Burghausen.